'n Chroniese siekte gekenmerk deur skielike aanvalle van kortasemigheid en benoudheid, veral toegepas op brongiale asma (allergiese, krampagtige of lugpypasma). Ook 'n allergiese siekte, waarby die benoudheid gepaard gaan met 'n piepende, brommende, fluitende, hygende asemhaling, veroorsaak deur swelling van die slymvlies van die klein lugpyptakkies, deur krampagtige sametrekking van die spiere van hierdie vertakkings en deur die taai slym wat daarin afgeskei word en benoudebors of kortasemigheid tot gevolg het. 'n Aanval kan veroorsaak word deur troetedierhare, stof, rook, stuifmeel, skibbel, oefening, koue lug of stres.