'n Stof wat oksidasie teëgaan, veral so 'n stof wat gebruik word om te voorkom dat rubber suurstof uit die lug opneem en dan brokkelrig en minder elasties word; antioksigeen. Dit beskerm selle teen beskadiging veroorsaak deur vrye radikale (onstabiele molekules wat deur die proses van oksidasie gedurende normale metabolisme gevorm word). Vrye radikale kan 'n rol speel in kanker, hartsiekte, beroerte en ander verouderingsiekte. Antioksidante sluit die volgende in: betakaroteen, lisopene, vitamiene A, C en E, en ander natuurlike en vervaardigde stowwe.